Guddoomiyaha Golaha Shacabka oo la kulmay xubno ka tirsan bulshada rayidka ah

Published October 27, 2026 - Updated October 27, 2026

Akhris 2 daqiiqo ah

Muqdisho, 27 Oktoobar 2026 – Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur (Jaamac), ayaa kulan wadatashi ah la yeeshay xubno ka tirsan bulshada rayidka ah, kaas oo looga hadlay xaaladda dalka, hawlaha Golaha Shacabka iyo horumarinta adeegyada bulshada.

Kulanka ayaa sidoo kale diiradda lagu saaray midnimada iyo difaaca qaranka, iyo sidii loo xoojin lahaa wada-shaqeynta Golaha Shacabka iyo bulshada rayidka ah, si aragtiyaha iyo talooyinka shacabka ay uga muuqdaan hannaanka sharci-dejinta iyo isla-xisaabtanka.

Wadatashiga ayaa qayb ka ahaa barnaamijka Gole Kaab, oo fududeeya xiriirka Golaha Shacabka iyo bulshada, isla markaana u suurtageliya muwaadiniinta inay gudbiyaan cabashooyinkooda, fikradahooda iyo talooyinkooda ku saabsan hawlaha baarlamaanka.

Guddoomiye Cabdulqaadir Maxamed Nuur ayaa sheegay in Golaha Shacabka uu muhiimad gaar ah siinayo xoojinta doorka bulshada rayidka ah, gaar ahaan sidii ay ula socon lahaayeen hindise-sharciyeedyada, u qiimeyn lahaayeen saameyntooda, ugana soo gudbin lahaayeen golaha talooyin ku saleysan xog iyo cilmi-baaris.

Sidoo kale, wuxuu tilmaamay muhiimadda ay leedahay ka faa’iidaysiga tiknoolajiyadda iyo casriyeynta habraacyada Golaha Shacabka, si loo fududeeyo ka-qaybgalka bulshada, loona xoojiyo hufnaanta iyo isla-xisaabtanka hay’adda sharci-dejinta dalka.

Guddoomiyaha Golaha Shacabka oo la kulmay xubno ka tirsan bulshada rayidka ah

Ka hel Goobjoog wixii cusub.

From the comments