Guddiga Doorashooyinka Qaranka oo shaaciyey waqtiga la diiwaangelinayo ururrada siyaasadda

Published October 31, 2026 - Updated October 31, 2026

Akhris 1 daqiiqo ah

MUQDISHO (Goobjoog News) – Guddiga Madaxa-bannaan ee Doorashooyinka Qaranka iyo Soohdimaha ayaa shaaciyey waqtiga uu bilaabanayo diiwaangelinta ururrada siyaasadda ee doonaya inay ka qaybqaataan hannaanka doorashooyinka labada aqal ee Baarlamaanka Federaalka Soomaaliya.

War-saxaafadeed uu guddigu soo saaray 31-ka Oktoobar 2026 ayuu ku sheegay in diiwaangelinta ururrada siyaasadda ay bilaaban doonto 1-da Nofeembar 2026, islamarkaana ay dhammaan doonto 22-ka Nofeembar 2026.

Guddiga ayaa sheegay in tallaabadan ay waafaqsan tahay waajibaadkiisa sharciyeed, gaar ahaan qodobbada 10-aad, farqaddiisa 4-aad, ee Sharciga Dhisidda Guddiga iyo qodobka 7-aad, farqaddiisa (J), ee Sharciga Doorashooyinka Qaranka.

Sidoo kale, guddigu wuxuu xusay in tallaabadani ay daba socoto hannaanka diiwaangelinta ururrada siyaasadda ee hore loo shaaciyey 15-kii Oktoobar 2026.

Guddiga Madaxa-bannaan ee Doorashooyinka Qaranka iyo Soohdimaha ayaa ugu baaqay dhammaan daneeyayaasha siyaasadda inay ka faa’iideystaan fursaddan, si ay uga qaybqaataan geeddi-socodka doorashooyinka, loona xoojiyo nidaamka xisbiyada badan iyo dimuqraadiyadda dalka.

Guddiga Doorashooyinka Qaranka oo shaaciyey waqtiga la diiwaangelinayo ururrada siyaasadda

Ka hel Goobjoog wixii cusub.

From the comments