Hoggaamiyaha Dowladda Goboleedka Galmudug ayaa hambalyo iyo bogaadin u diray Hoggaamiyaha cusub ee Dowladda Goboleedka Hirshabeelle, Mudane Cali Cabdullaahi Xuseen Guudlaawe, iyo ku-xigeenkiisa, Mudane Cabdifitaax Xasan Afrax, oo ku guulaystay doorashadii maanta ka dhacday magaalada Jowhar.
Hoggaamiyaha Galmudug Liibaan Axmed Xasan ayaa hoggaanka cusub ee Hirshabeelle u rajeeyay guul iyo in ay si hufan u gutaan waajibaadka loo igmaday, iyagoo mudnaanta siinaya midnimada bulshada, dib-u-heshiisiinta, amniga, horumarinta adeegyada aasaasiga ah iyo xoojinta dowlad-dhiska.
Sidoo kale, wuxuu xusay xiriirka walaaltinimo iyo darisnimo ee soo jireenka ah ee ka dhexeeya Galmudug iyo Hirshabeelle, kaas oo ku dhisan is-ixtiraam, iskaashi iyo dano wadaag.
Wuxuu rajo ka muujiyay in la sii xoojiyo xiriirka iyo iskaashiga labada dowlad-goboleed, gaar ahaan dhinacyada amniga, nabadgelyada iyo xasilloonida, si loo horumariyo danaha iyo wadajirka labada dhinac.
Ugu dambeyn, Hoggaamiyaha Galmudug ayaa hoggaanka cusub ee Hirshabeelle u rajeeyay guul iyo horumar, isaga oo adkeeyay muhiimadda ay leedahay sii xoojinta xiriirka walaaltinimo ee labada maamul.
From the comments