Arrimaha Doorashada
Jowhar, Soomaaliya – Cali Cabdullaahi Xuseen Guudlaawe ayaa mar labaad loo doortay hoggaamiyaha Dowlad-goboleedka Hirshabeelle, kaddib markii uu helay 81 cod oo ka mid ah codadkii doorashada. Guudlaawe ayaa dib…
Jowhar, Soomaaliya – Cali Cabdullaahi Xuseen Guudlaawe ayaa mar labaad loo doortay hoggaamiyaha Dowlad-goboleedka Hirshabeelle, kaddib markii uu helay 81 cod oo ka mid ah codadkii doorashada.
Guudlaawe ayaa dib ugu soo laabtay hoggaanka Hirshabeelle, isagoo hore xilal kala duwan uga soo qabtay maamulkaas tan iyo markii la aas-aasay.
Markii la dhisay maamulka Hirshabeelle, ayuu Guudlaawe noqday Madaxweyne Ku-xigeen, isaga oo markii dambe loo doortay xilka Madaxweynaha maamulkaas.
Doorashadiisa cusub ayaa ka dhigan inuu mar kale hoggaamin doono maamulka Hirshabeelle, oo ka mid ah dowlad-goboleedyada xubnaha ka ah Dowladda Federaalka Soomaaliya.
Hirshabeelle ayaa ka kooban gobollada Hiiraan iyo Shabeellaha Dhexe, waxaana maamulka horyaalla arrimo la xiriira amniga, dib-u-heshiisiinta, horumarinta adeegyada bulshada iyo xoojinta maamulka deegaannada uu ka taliyo. Guudlaawe ayaa wajahaya diido weyn oo ka dhan ah gobolka Hiiran.
Goobjoog Newsletter
Warar iyo falanqayn, iimaylkaaga.
From the comments