MUQDISHO (Goobjoog News) – Gaashaanle Sare Maxamed Cabdiqaadir “Shariif” ayaa si rasmi ah ula wareegay xilka Taliyaha Ciidanka Badda iyo Difaaca Xeebaha Xoogga Dalka Soomaaliyeed, kaddib munaasabad xil-wareejin ah oo maanta ka dhacday Muqdisho.
Maxamed Cabdiqaadir ayaa xilka kala wareegay Sareeye Guuto Cabdiwahaab oo ahaa taliyihii hore ee Ciidanka Badda iyo Difaaca Xeebaha.
Munaasabadda xil-wareejinta waxaa ka qaybgalay Guddoomiyaha Guddiga Xil-wareejinta, Sareeye Gaas Maxamuud Sheekh Cali (Dable Baylood), iyo saraakiil ka tirsan hoggaannada iyo talisyada Ciidanka Xoogga Dalka Soomaaliyeed.
From the comments