Dowladda Masar ayaa qorshaynaysa inay ciidamo milatari u soo dirto Soomaaliya, iyadoo la raacayo heshiis iskaashi milatari oo laba geesood ah, ka hor inta aan ku dhowaad 1,000 askari lagu darin howlgalka Midowga Afrika ee Taageerada iyo Xasilinta Soomaaliya (AUSSOM).
Warbixin uu wargeyska The East African daabacay 25-kii Oktoobar ayaa sheegtay in ciidamada ugu horreeya ee Masar la filayo inay noqdaan cutub milatari oo baaxad ahaan u dhigma guuto, kaas oo ay weheliyaan ciidamo taageero iyo adeegyo kale.
Ciidamada ayaa la qorsheynayaa in la geeyo gobolka Shabeellaha Dhexe ee waqooyiga magaalada Muqdisho, ayadoo sidoo kale xarun talis oo xeeladaysan looga sameynayo deegaanka Ceelcade, oo ku dhow garoonka diyaaradaha ee Ciciley, halkaas oo ay hadda joogaan ciidamada Burundi ee ka tirsan howlgalka Midowga Afrika.
From the comments