Musharraxa Hoggaamiyaha Galmudug Liibaan Axmed Xasan ayaa sheegay in hay’adaha ammaanka Galmudug ay saacadaha soo socda tallaabo ka qaadi doonaan kooxo burcad-badeed ah oo uu sheegay inay ka soo baxsadeen hawlgallada ay ciidamada Puntland ka fuliyeen deegaannada xeebaha.
Liibaan Axmed Xasan wuxuu sheegay in kooxahaasi aysan gabbaad ka heli doonin deegaannada Galmudug, isagoo tilmaamay in la diyaarinayo tallaabooyin amni oo looga hortagayo inay saldhigyo cusub ka samaystaan xeebaha maamulkaas.
Hadalkan ayaa imanaya iyadoo markabka MT Asana, oo weli gacanta ugu jira koox burcad-badeed ah, la sheegay inuu ku sugan yahay meel u dhow xeebaha Hobyo.
From the comments