Ciidanka Kumaandooska Danab ee Xoogga Dalka Soomaaliyeed ayaa hawlgal qorsheysan oo lagu burburinayay fariisimaha kooxda Al-Shabaab ka fuliyay deegaannada Tooratoorow, Caliyoow Baarow, Doonka iyo Farsooley ee gobolka Shabeellaha Hoose.
Hawlgalkan ayaa lagu bartilmaameedsaday xarumo iyo goobo ay ku dhuumaaleysanayeen maleeshiyaadka kooxda, kuwaas oo sida ay ciidamada sheegeen loo adeegsan jiray isku abaabulka dagaalyahannada iyo qorsheynta falalka amni-darrada ah.
Saraakiisha hoggaaminaysay hawlgalka ayaa sheegay in ciidamada ay ku guuleysteen burburinta fariisimo iyo gabaadyo muhiim u ahaa kooxda, iyadoo ujeeddada ugu weyn ay ahayd in la wiiqo awooddooda isla markaana laga saaro meelaha ay saldhigyada ku leeyihiin.
From the comments