Wasiirka Wasaaradda Gaashaandhigga ee Dowladda Federaalka Soomaaliya, Axmed Macalin Fiqi, iyo Taliyaha Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, ayaa maanta kormeer shaqo ku tagay degmada Ceeldheer ee gobolka Galgaduud.
Kormeerka ayaa yimid xilli ay ciidamada dowladda ka wadaan deegaannada gobolka howlgallo ka dhan ah ururka Al-Shabaab, iyadoo sidoo kale la sheegay inay jiraan horumarro dhinaca amniga ah.
Mas’uuliyiinta ayaa kulamo la yeeshay saraakiisha hoggaaminaysa ciidamada ku sugan furimaha hore, waxayna ka dhegeysteen warbixinno la xiriira xaaladda amniga, halka ay marayaan howlgalada socda iyo baahiyaha ciidamada.
From the comments