Dowladda Soomaaliya ayaa sheegtay in Ciidanka Xoogga Dalka Soomaaliyeed, iyagoo kaashanaya saaxiibada caalamiga ah, ay fuliyeen duqeymo lagu bartilmaameedsaday fariisimo iyo goobo ay ku sugnaayeen Al-Shabaab ee ku yaalla deegaannada Cadow Jilib, Gayfo iyo Qordheere ee gobolka Shabeellaha Dhexe.
Sida lagu sheegay war-saxaafadeedka Wasaaradda Gaashaandhigga, howlgalkaasi waxaa lagu dilay 26 xubnood oo ka tirsanaa Al-Shabaab, halka sidoo kale lagu burburiyay gaadiid dagaal iyo doonyo ay kooxdaasi u adeegsan jirtay dhaqdhaqaaqyadeeda iyo fulinta falalka argagixisanimo.
Wasaaraddu waxay sheegtay in howlgalka uu qeyb ka yahay dadaallada joogtada ah ee Ciidanka Xoogga Dalka Soomaaliyeed ay ku baacsanayaan Al-Shabaab, si loo wiiqo awoodda kooxda loogana hortago weerarro ay qorsheynayeen.
From the comments