Dowladda Federaalka Soomaaliya ayaa magaalada Beijing ka wadda dadaallo ay ku doonayso in ay ku ballaariso ganacsiga iyo maalgashiga ay la leedahay Shiinaha, iyadoo la qabtay shir heer sare ah oo ay isugu yimaadeen boqolaal ganacsato Soomaali iyo Shiine ah.
Shirkan oo diiradda lagu saaray horumarinta warshadaha iyo fursadaha maalgashi ee Soomaaliya ayaa waxaa lagu soo bandhigay qorshayaal muhiim ah oo ay ka mid yihiin kobcinta wax-soo-saarka gudaha, horumarinta kalluumeysiga, beeraha, xoolaha iyo tamarta la cusboonaysiin karo.
Dowladda Soomaaliya ayaa sidoo kale si gaar ah u xustay muhiimadda ay leedahay ka faa’iidaysiga fursadaha ganacsi ee ka dhashay siyaasadda Shiinaha ee canshuur la’aanta dhoofinta dalalka Afrika.
From the comments