Xulka Qaranka Gabdhaha Soomaaliya da’doodu ka yaryahay 17-jir oo markii ugu horreysay taran kubad cagta ah ku matali doona dalka

Published June 13, 2026 - Updated June 13, 2026

2 MIN READ

Xulka Qaranka Gabdhaha Soomaaliya ee da’doodu ka yar tahay 17 sano ayaa galabta sameynaya taariikh cusub, kaddib markii ay markii ugu horreysay abid Soomaaliya ku matalayaan tartan rasmi ah oo kubadda cagta ah.

Gabdhaha Ocean Stars ayaa ciyaarta furitaanka tartanka Bariga iyo Bartamaha Afrika ee Haweenka (CECAFA U-17 Women’s Championship) kula ciyaari doona xulka martigelinaya tartanka ee Tanzania.

Kulankan oo ka dhacaya magaalada Dar es Salaam ayaa ah mid si weyn isha loogu hayo, maadaama uu calaamad u yahay horumar cusub oo kubadda cagta haweenka Soomaaliyeed gaartay.

Soomaaliya waxay ku jirtaa Group A, halkaas oo ay kula tartamayso xulalka Tanzania, Kenya iyo Sudan, waxaana Ka qaybgalka tartankani uufursad muhiim ah u yahay ciyaartoyda da’da yar ee Soomaaliyeed si ay u muujiyaan kartidooda isla markaana khibrad uga helaan tartamada heer gobol.

Taageerayaasha Soomaaliyeed ayaa rajo weyn ka qaba in gabdhaha Ocean Stars ay soo bandhigaan ciyaar wanaagsan, isla markaana ay guulo u horseedaan magaca Soomaaliya, iyagoo bog cusub ka furaya taariikhda kubadda cagta haweenka dalka.

Xulka Qaranka Gabdhaha Soomaaliya da’doodu ka yaryahay 17-jir oo markii ugu horreysay taran kubad cagta ah ku matali doona dalka

Get Goobjoog updates

From the comments