Golaha Wakiillada Hirshabeelle oo Doortay Guddoon Cusub

Jowhar — Golaha Wakiillada Dowlad-goboleedka Hirshabeelle ayaa doortay guddoon cusub, kaddib doorashooyinkii maanta ka dhacay xarunta golaha.

Xildhibaan C/Xakiin Luqmaan Xaaji Maxamed ayaa ku guuleystay xilka Guddoomiyaha Golaha Wakiillada Hirshabeelle, isagoo helay 77 cod. ninkaan ayaa dib loo doortay maadaama horay u ahaa Gudoomiyaha Wakiilada.

Sidoo kale, Cabdiraxmaan Cabdi Iidow ayaa loo doortay Guddoomiye Ku-xigeenka Koowaad ee Golaha Wakiillada Hirshabeelle, kaddib markii uu ku soo baxay cod gacan-taag ah.