Goobjoog
Wararka Degdegga ah
Climate Summit Concludes•
Trade Deal Announced•
Tech Regulation Vote•
Market Rally Continues•
Supreme Court Ruling

XAFIISKA RA'IISULWASAARAHA DALKA

Soomaaliya iyo Pakistan oo ka wada hadlay horumarinta Ciidanka Cirka

Muqdisho, 22 Sebteembar 2026: Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, ayaa magaalada Muqdisho kulan kula yeeshay wafdi ka socday Dowladda Pakistan oo uu hoggaaminayay Taliyaha Difaaca Cirka,…

Soomaaliya iyo Pakistan oo ka wada hadlay horumarinta Ciidanka Cirka

Published September 22, 2026 - Updated September 22, 2026

Akhris 1 daqiiqo ah

Muqdisho, 22 Sebteembar 2026: Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, ayaa magaalada Muqdisho kulan kula yeeshay wafdi ka socday Dowladda Pakistan oo uu hoggaaminayay Taliyaha Difaaca Cirka, ahna Taliye Ku-xigeenka Ciidanka Cirka Pakistan, Air Marshal Muhammad Sarfraz.

Kulanka ayaa diiradda lagu saaray xoojinta iskaashiga Soomaaliya iyo Pakistan ee dhinacyada difaaca iyo amniga, gaar ahaan dhismaha iyo horumarinta Ciidanka Cirka Soomaaliyeed, tayaynta awooddiisa iyo kobcinta tababarrada ciidanka.

Ra’iisul Wasaare Xamsa ayaa uga mahadceliyey wafdiga Pakistan booqashada ay ku yimaadeen Soomaaliya, isagoo tilmaamay muhiimadda ay leedahay sii xoojinta xiriirka iyo iskaashiga labada dal.

Waxa uu sheegay in Dowladda Federaalka Soomaaliya ay dadaal xooggan ku bixinayso dhismaha, tababarka, tayaynta iyo qalabaynta Ciidamada Soomaaliyeed, kuwaas oo door muhiim ah ka qaadanaya howlgalada dalka looga ciribtirayo Khawaarijta.

Kulanka ayaa sidoo kale lagu adkeeyey muhiimadda ay leedahay in la sii xoojiyo iskaashiga Soomaaliya iyo Pakistan, gaar ahaan horumarinta awoodda Ciidanka Cirka Soomaaliyeed iyo tayaynta guud ee hay’adaha amniga iyo difaaca dalka.

Ka Hel Goobjoog Wixii Cusub

From the comments