MUQDISHO (Goobjoog News) — Afartan arday oo Soomaaliyeed ayaa shalay oo Khamiis ahayd lagu maamuusay Madashii koowaad ee Cilmi-baarista iyo Hal-abuurka Soomaaliyeed, kaddib markii qoraallo cilmi-baaris ah oo ay ka diyaariyeen xaaladda dalka lagu daabacay joornaallo caalami ah oo la aqoonsan yahay.
Munaasabaddan oo ka dhacday xarunta Jaamacadda Ummadda Soomaaliyeed ee magaalada Muqdisho, ayaa waxaa soo qabanqaabiyay xarunta Benaadir Research, Consultancy and Evaluation Center, waxaana ka qaybgalay bahda waxbarashada oo ay ku jiraan mas’uuliyiin ka socday Wasaaradda Waxbarashada, hoggaanka jaamacadaha, cilmi-baarayaal sar-sare, iyo ardayda wax ka barata dalka.
From the comments