Soomaaliya iyo Spain oo ka wada hadlay xoojinta xiriirka labada dal

Published October 19, 2026 - Updated October 19, 2026

Akhris 2 daqiiqo ah

Dowladaha Soomaaliya iyo Spain ayaa ka wada hadlay sidii loo xoojin lahaa xiriirka diblomaasiyadeed iyo iskaashiga labada dal, iyadoo si gaar ah diiradda loo saaray iskaashiga dhinaca kalluumeysiga.

Wasiiru-dowlaha Arrimaha Dibadda iyo Iskaashiga Caalamiga ah ee Soomaaliya, Cali Maxamed Cumar, ayaa magaalada Dooxa ee dalka Qatar kula kulmay Xoghayaha Arrimaha Dibadda iyo Caalamiga ah ee Spain, Diego Martínez Belío, intii uu socday Madasha Caalamiga ah ee Amniga.

Kulanka oo dhacay 19-ka Oktoobar 2026 ayaa labada mas’uul ay kaga wada hadleen sidii loo horumarin lahaa xiriirka labada dal iyo fursadaha iskaashi ee dhinacyada kala duwan, gaar ahaan kalluumeysiga.

Labada dhinac ayaa sidoo kale isku raacay in ay sahamiyaan suuragalnimada in la sameeyo wadatashiyo siyaasadeed oo rasmi ah, kuwaas oo lagu qaban karo magaalooyinka Muqdisho ama Madrid.

Wadatashiyadaas ayaa la filayaa in ay abuuraan hannaan joogto ah oo labada dowladood ay ku falanqeeyaan arrimaha khuseeya xiriirkooda iyo fursadaha lagu ballaarin karo iskaashiga, iyadoo Soomaaliya ay sii xoojinayso xiriirka ay la leedahay dalalka Yurub.

Kulankan ayaa qeyb ka ah dadaallada diblomaasiyadeed ee Soomaaliya ay ku dooneyso in ay ku ballaariso iskaashiga caalamiga ah, gaar ahaan dhinacyada dhaqaalaha iyo horumarinta khayraadka badda.

Soomaaliya iyo Spain oo ka wada hadlay xoojinta xiriirka labada dal

Ka hel Goobjoog wixii cusub.

From the comments