Soomaaliya iyo Midowga Yurub oo Ka Wada Hadlay Xoojinta Iskaashiga Labada Dhinac

Published September 19, 2026 - Updated September 19, 2026

Akhris 1 daqiiqo ah

Muqdisho, 19 Sebteembar 2026: Wasiir Ku-xigeenka Wasaaradda Arrimaha Dibadda iyo Iskaashiga Caalamiga ah ee Soomaaliya, Xasan Maxamed Cali (Nadaara), ayaa maanta ka guddoomay nuqul ka mid ah warqadaha aqoonsiga (Credentials) Safiirka cusub ee Midowga Yurub u qaabilsan Soomaaliya, Laszlo Mathe.

Kulanka ayaa sidoo kale lagu guddoomay warqaddii looga yeeray Safiirkii hore ee Midowga Yurub ee Soomaaliya.

Wasiir Ku-xigeenka ayaa Midowga Yurub uga mahadceliyay taageerada joogtada ah ee uu siiyo Dowladda Federaalka Soomaaliya, gaar ahaan taageerada uu u muujiyo madaxbannaanida, midnimada iyo wadajirka dhuleed ee Soomaaliya.

Sidoo kale, Wasiir Nadaara ayaa sheegay in Wasaaradda Arrimaha Dibadda ay diyaar u tahay inay Safiirka cusub kala shaqeyso xoojinta xiriirka iyo iskaashiga Soomaaliya iyo Midowga Yurub, gaar ahaan dhinacyada nabadda iyo amniga, dowladnimada, ganacsiga iyo horumarinta.

Safiirka cusub ee Midowga Yurub, Laszlo Mathe, ayaa xilkan kala wareegaya safiirkii ka horreeyay, iyadoo labada dhinac ay doonayaan in la sii xoojiyo xiriirka iyo iskaashiga Soomaaliya iyo Midowga Yurub.

Soomaaliya iyo Midowga Yurub oo Ka Wada Hadlay Xoojinta Iskaashiga Labada Dhinac

Ka Hel Goobjoog Wixii Cusub

From the comments