Taliyaha Ciidanka Dhulka iyo saraakiil sare oo gaaray deegaanka Balli-doogle

Muqdisho – Saraakiil sare oo ka tirsan Ciidanka Xoogga Dalka Soomaaliyeed, oo uu hoggaaminayo Taliyaha Ciidanka Dhulka, ayaa gaaray deegaanka Balli-doogle ee gobolka Shabeellaha Hoose, xilli ay xiisad amni ka taagan tahay xuduudda gobollada Shabeellaha Hoose iyo Baay.

Imaatinka saraakiishan ayaa ku soo aadaya iyadoo maalin ka hor ay deegaanka ka dhaceen dagaallo culus oo dhexmaray ciidamada dowladda Federaalka Soomaaliya iyo kooxda Al-Shabaab.

Booqashada saraakiisha ayaa ku soo beegmaysa xaalad amni oo kacsan, hase yeeshee lama shaacin faahfaahin rasmi ah oo ku saabsan ujeeddada safarkooda ama tallaabooyinka la qorsheeyay.