Sucuudiga oo waxbarashada iskuullada u badelay hab fogaan arag xaalad ammaan awgeed

Iskuullada ku yaalla caasimadda Sacuudiga ee Riyadh ayaa muddo hal toddobaad ah u wareegaya waxbarashada fog, iyadoo go’aanka lagu sababeeyay xaaladda amni ee gobolka oo sii kacsanaysa.

Sida ay sheegtay wakaaladda wararka AFP, mas’uuliyiinta Sacuudiga ayaa amray in iskuullada caasimadda la xiro toddobaadka soo socda, iyadoo ardayda iyo macallimiinta waxbarashada ku sii wadan doonaan habka internetka.

Go’aankan ayaa yimid xilli xiisadaha gobolka ay sare u kaceen, taas oo keentay in la qaado tallaabooyin dheeraad ah oo lagu ilaalinayo amniga iyo badqabka shacabka, gaar ahaan ardayda iyo shaqaalaha waxbarashada.