Sheekh Aadan Madoobe oo Hambalyo u Diray Hoggaanka Cusub ee Galmudug

Hoggaamiyaha maamulka Koonfur Galbeed, Sheekh Aadan Maxamed Nuur (Madoobe), ayaa hambalyo u diray hoggaamiyaha cusub ee Dowladda Galmudug, Liibaan Axmed Xasan, iyo ku-xigeenkiisa, Cabdiweli Ibraahim Aadan (Garyare), oo loo doortay hoggaanka maamulkaas.

Sheekh Aadan Madoobe ayaa hoggaanka cusub ee Galmudug u rajeeyay guul iyo horumar ku aaddan gudashada waajibaadka loo igmaday, isaga oo Alle uga baryay inuu u fududeeyo mas’uuliyadda culus ee ay qaadeen.

Sidoo kale, hoggaamiyaha Koonfur Galbeed ayaa sheegay in laga filayo hoggaanka cusub inay ka shaqeeyaan xoojinta nabadda, dib-u-heshiisiinta, midnimada bulshada iyo horumarinta dowladnimada, si loo xaqiijiyo himilooyinka shacabka Galmudug.