Xildhibaanadda Aqalka Wakiillada Mareykanka Ilhaan Cumar ayaa sheegtay in tallaabooyinka ka dhanka ah ay qayb ka yihiin isku day lagu beegsanayo dadka siyaasadda kaga soo horjeeda madaxweyne Donald Trump, isla markaana loo adeegsanayo hay’adaha sharciga federaalka arrimo siyaasadeed.
Ilhaan Cumar ayaa hadal ay soo saartay ku sheegtay in muddo toban sano ah Trump uu ku hayay eedeymo aan sal lahayn iyo ololeyaal sumcad-dil ah, iyadoo tallaabada ugu dambeysay ku tilmaantay mid sii xoojinaysa cadaadiska siyaasadeed ee ay sheegtay in lagu hayo.
Xildhibaanadda oo hadalkeeda muujisay inay ka go’an tahay inay sii waddo mowqifkeeda siyaasadeed, ayaa caddeysay inaysan ka aamusi doonin arrimaha ay aaminsan tahay, inkastoo ay sheegtay inay wajahayo waxa ay ku tilmaantay isku dayo lagu cabsi gelinayo dadka ka aragti duwan madaxweynaha.




From the comments