Ugu yaraan 72 qof oo ka shaqaynayay goob dahab laga qodo ayaa lagu dilay duqeyn cirka ah oo ka dhacday waqooyiga Suudaan, meel u dhow xadka lagu muransan yahay ee Suudaan iyo Masar, sida ay sheegtay hay’ad xuquuqda aadanaha oo Suudaani ah.
Hay’adda Emergency Lawyers, oo diiwaangelisa xadgudubyada ka dhaca dagaalka Suudaan, ayaa sheegtay in diyaaradaha dagaalka Masar ay duqeeyeen goob macdan-qodis oo ku taalla deegaanka Wadi ee waqooyiga Suudaan.
Hay’addu waxay sheegtay in xogta hordhaca ah ay muujinayso in 72 qof oo rayid ah ay ku dhinteen weerarka oo dhacay Sabtidii, balse warbixinta weerarka si madax-bannaan looma xaqiijin, dowladda Masarna weli kama aysan soo saarin wax war rasmi ah oo ku saabsan eedeymaha loo jeediyay.




From the comments