Wararka aan ka helayno degmada Baardheere ee gobalka Gedo ayaa waxa ay sheegayaan in saacadihii la soo dhaafay degmadaasi uu dagaal fool ka foola ku dhexmaray ciidanka dowladda federaalka iyo dagaalamayaal ka tirsan Al shabaab.
Dagaalkan ayaa waxa uu yimid ka dib markii dagaalamayaal ka tirsan Al shabaab ay weerar ku soo qaadeen fariisimo ciidanka dowladda ay ku lahaayeen Baardheere waxaana dagaalkaasi ka dhashay khasaare kala duwan.
Gaashanle Cabdi Sheekh Xasan Taliyaha saldhigga booliska Baardheere ee Ciidamada Dowladda oo goor dhow la hadlay Goobjoog News ayaa waxa uu sheegay in kooxdii dagaalka ku soo qaaday degmada ay iska caabiyeen waxa uuna intaas hadalkiisa ku daray in ciidanka dowladda ay dagaalkaasi ku dileen mid ka mid ah raggii weerarka soo qaaday halka uu sheegay in mid kalane gacanta lagu hayo.




From the comments