Madaxweynaha Jamhuuriyadda Federaalka Soomaaliya, Xasan Sheekh Maxamuud, ayaa magaalada Muqdisho ka guddoomay waraaqaha aqoonsiga toddobo safiir oo cusub oo dalalkooda u soo magacaabeen Soomaaliya, iyadoo tallaabadan ay qeyb ka tahay dadaallada lagu xoojinayo xiriirka diblomaasiyadeed iyo iskaashiga dhaqaale ee Soomaaliya iyo dalalka caalamka.
Safiirrada cusub ayaa ka kala socday Aljeeriya, Brazil, Hindiya, Mali, Myanmar, Nigeria iyo Pakistan, waxayna kala yihiin Mohamed Alim oo ah safiirka Aljeeriya, Joao Alfredo Dos Anjos oo matalaya Brazil, Dr. Adarsh Swaika oo ah safiirka Hindiya, Dr. Madou Diallo oo ka socda Mali, Aung Min Oo oo matalaya Myanmar, Danlami Ibrahim oo ah safiirka Nigeria iyo Aqsa Nawaz oo ah safiirka Pakistan.
Intii ay munaasabadda ka socotay xarunta Madaxtooyada Soomaaliya, safiirradu waxay Madaxweyne Xasan Sheekh uga warbixiyeen qorshayaashooda iyo mudnaanta ay siinayaan xoojinta xiriirka iyo iskaashiga dalalkooda iyo Soomaaliya.
From the comments