Muqdisho, 22 Oktoobar 2026 – Madaxweynaha Jamhuuriyadda Federaalka Soomaaliya, Xasan Sheekh Maxamuud, ayaa hambalyo u diray hoggaamiyaha cusub ee Dowlad Goboleedka Galmudug, Liibaan Axmed Xasan, iyo hoggaamiye ku-xigeenka, Cabdiweli Ibraahim Garyare, oo maanta ay doorteen Golaha Wakiillada Galmudug.
Madaxweynaha ayaa hoggaanka cusub ugu hambalyeeyay kalsoonida ay ka heleen xildhibaannada, isaga oo kula dardaarmay inay mudnaanta koowaad siiyaan sugidda amniga, xal u helidda colaadaha sokeeye, xoojinta midnimada bulshada iyo horumarinta kaabayaasha dhaqaalaha iyo adeegyada bulshada.
Sidoo kale, Madaxweyne Xasan Sheekh ayaa doorashada hoggaanka cusub ku tilmaamay mid taariikhi ah, isaga oo xusay in geeddi-socodka doorashada ay qayb ka ahaayeen boqollaal kun oo qof oo ku kala nool magaalooyinka waaweyn iyo deegaannada miyiga ah ee Galmudug.
From the comments