Golaha Wasiirrada XFS oo ansixiyey miisaaniyadda dowladda ee sannadka 2027

Published October 27, 2026 - Updated October 27, 2026

Akhris 2 daqiiqo ah

Muqdisho, 27 Oktoobar 2026 – Golaha Wasiirrada Xukuumadda Federaalka Soomaaliya ayaa ansixiyey miisaaniyadda dowladda ee sannadka 2027, taas oo dhan 1.259 bilyan oo dollar, kaddib kulan gaar ah oo maanta ay yeesheen.

Kulanka oo uu shir-guddoominayey Ku-simaha Ra’iisul Wasaaraha, ahna Ra’iisul Wasaare Ku-xigeenka, Saalax Axmed Jaamac, ayaa sidoo kale looga hadlay xaaladda amniga dalka iyo howlgalada ciidamada qalabka sida ay ka wadaan deegaannada ay ku sugan yihiin kooxaha Al-Shabaab.

Golaha Wasiirrada ayaa warbixin ku saabsan amniga ka dhageystay Wasaaradda Amniga Gudaha, taas oo soo bandhigtay guulaha ay ciidamada Soomaaliyeed ka gaareen howlgalada ka dhanka ah Al-Shabaab iyo dadaallada socda ee lagu sugayo amniga dalka.

Dhanka kale, Golaha Wasiirrada ayaa Shukri Xasan Cusmaan u magacaabay Agaasimaha Hay’adda Liiltirka iyo Hawlgabka Shaqaalaha Rayidka ah, kaddib soo jeedin ka timid Wasaaradda Shaqada iyo Arrimaha Bulshada.

Ugu dambeyn, Golaha Wasiirrada ayaa soo dhoweeyey soo afjaridda shaqadii Xafiiska Siyaasadda ee Qaramada Midoobay ee Soomaaliya, iyaga oo bogaadiyey kaalintii uu xafiisku ka qaatay geeddi-socodkii kala-guurka siyaasadeed iyo dib-u-soo kabashada dalka.

Golaha Wasiirrada XFS oo ansixiyey miisaaniyadda dowladda ee sannadka 2027

Ka hel Goobjoog wixii cusub.

From the comments