Guddoomiyaasha Labada Aqal ee Baarlamaanka Soomaaliya oo ka wada hadlay xoojinta wada-shaqaynta

Published October 25, 2026 - Updated October 25, 2026

Akhris 1 daqiiqo ah

Muqdisho, Oktoobar 25, 2026: Guddoomiyaha Golaha Shacabka ee Baarlamaanka Federaalka Soomaaliya, Mudane Cabdulqaadir Maxamed Nuur (Jaamac), ayaa kulan la yeeshay Guddoomiyaha Golaha Aqalka Sare, Mudane Cabdi Xaashi Cabdullaahi, kaas oo diiradda lagu saaray xoojinta wada-shaqaynta labada Aqal ee Baarlamaanka.

Kulanka oo ka dhacay xarunta Golaha Aqalka Sare ayaa waxaa sidoo kale ka qeyb galay Guddoomiye ku-xigeenka labaad ee Golaha Aqalka Sare, Habdhowraha Golaha Aqalka Sare iyo Xoghayaha Guud ee Golaha Shacabka.

Labada guddoomiye ayaa ka wada hadlay sidii loo dardargelin lahaa wada-shaqaynta labada Aqal, iyadoo mudnaan la siinayo hindise-sharciyeedyada muhiimka u ah danaha qaranka iyo shacabka Soomaaliyeed.

Sidoo kale, kulanka ayaa looga hadlay u diyaar-garowga ka doodista Xisaab-xirka Sannad-Miisaaniyadeedka 2025, si waafaqsan Dastuurka dalka iyo waajibaadka sharci ee Baarlamaanka Federaalka Soomaaliya.

Kulankan ayaa qeyb ka ah dadaallada lagu xoojinayo wada-shaqaynta hay’adaha sharci-dejinta dalka, si loo dardargeliyo howlaha Baarlamaanka loona horumariyo gudashada waajibaadka labada Aqal.

Guddoomiyaasha Labada Aqal ee Baarlamaanka Soomaaliya oo ka wada hadlay xoojinta wada-shaqaynta

Ka hel Goobjoog wixii cusub.

From the comments