Guddiga Kheyraadka Qaranka, Kaabayaasha, Dhaqaalaha iyo Gaadiidka ee Aqalka Sare ayaa kulan la yeeshay Wasiir-ku-xigeenka Wasaaradda Deegaanka, Xuseen Cali Xaaji, iyagoo ka wada hadlay hindise-sharciyeedka lagu dhisayo Hay’adda Adeegyada Saadaasha Hawada iyo Cimilada Soomaaliya.
Kulanka ayaa diiradda lagu saaray qodobbada hindise-sharciga, iyadoo guddigu mas’uuliyiinta Wasaaradda Deegaanka weydiiyey su’aalo iyo caddeyn ku saabsan qodobo ka mid ah hindisaha.
Mas’uuliyiinta Wasaaradda ayaa ka jawaabay su’aalihii guddiga, iyadoo kulanku qayb ka yahay hannaanka dib-u-eegista iyo diyaarinta sharciga.
From the comments