Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur (Jaamac), ayaa kulan la qaatay Guddiga Garsoorka, Awqaafta iyo Arrimaha Diinta ee Golaha Shacabka, kaas oo diiradda lagu saaray dib-u-eegista iyo casriyeynta Sharciga Ciqaabta Soomaaliya.
Kulanka oo uu sidoo kale ka qeybgalay Wasiirka Wasaaradda Caddaaladda iyo Arrimaha Dastuurka, Xasan Macallin Maxamuud, ayaa looga hadlay Hindise-Sharciyeedka Sharciga Ciqaabta Soomaaliya oo horyaalla Golaha Shacabka, iyadoo la doonayo in la waafajiyo isbeddellada bulsho, dhaqaale iyo teknoolojiyadeed ee dalka ka dhacay.
Doodaha kulanka ayaa si gaar ah diiradda loogu saaray baahida loo qabo in sharciga ciqaabta lagu daro qodobo ka jawaabaya noocyada cusub ee dembiyada, gaar ahaan kuwa la xiriira teknoolojiyadda iyo nidaamyada macluumaadka, kuwaas oo u baahan hab sharciyeed casri ah oo wax looga qabto.




From the comments