Dowladda Federaalka Soomaaliya ayaa amartay in baaritaan lagu sameeyo dhacdadii amni ee dhowaan ka dhacday degmada Doolow ee gobolka Gedo, kaddib markii ay dowladdu sheegtay in qarax uu ka dhacay guriga Taliyihii hore ee ciidanka Asluubta Soomaaliyeed.
War kasoo baxay dowladda ayaa lagu sheegay in ciidamada amniga iyo hay’adaha ay khusayso ay si dhow ula socdaan xaaladda, isla markaana la bilaabay qiimeyn hordhac ah oo lagu ogaanayo waxa sababay dhacdada.
Dowladdu waxay sidoo kale sheegtay inay magacaawday guddiga xaqiiqo-raadin, kaas oo loo xil saaray inuu baaro duruufihii ku xeernaa dhacdada iyo waxa dhabta ah ee ka dhacay guriga.




From the comments