Wararka isa soo taraya ayaa sheegaya in dhowaan la filayo inay billowdaan wadahadallo u dhexeeya Dowladda Federaalka Soomaaliya iyo siyaasiyiinta mucaaradka, kuwaas oo la filayo inay diiradda saaraan hannaanka doorashooyinka iyo xal u helidda khilaafaadka siyaasadeed.
Dowladda Federaalka Soomaaliya ayaa hore ugu adkaysatay hirgelinta doorasho qof iyo cod ah, iyadoo ku doodaysa in ay tahay hannaan dastuuri ah oo lagu ballaarinayo ka qaybgalka shacabka.
Dhanka kale, siyaasiyiinta mucaaradka ayaa soo bandhigay hindise doorasho oo ay ku tilmaameen mid lagu gaari karo is-afgarad siyaasadeed, iyagoo ku baaqay in lagu saleeyo wadatashi iyo heshiis ay wada gaaraan dhammaan dhinacyada siyaasadda.




From the comments