Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa kulan muhiim ah xafiiskiisa kula qaatay mas’uuliyiinta hay’adaha fulinta iyo sharci-dejinta dalka ku matala Gobollada Waqooyi.
Kulankan ayaa qayb ka ah wada-tashiyo qaran oo uu Madaxweynuhu hormuud ka yahay, kuwaas oo looga gol-leeyahay ilaalinta madax-bannaanida iyo midnimada dhuleed ee dalka.
Madaxweynaha ayaa mas’uuliyiintan ka dhegeystay talooyin iyo aragtiyo qoto dheer oo ku aaddan sidii loogu istaagi lahaa difaaca qarannimada iyo ka hortagga faragelinta shisheeye ee khatarta ku ah wadajirka ummadda Soomaaliyeed.




From the comments