Ciidanka Hay’adda Sirdoonka iyo Nabadsugidda Qaranka (NISA) oo kaashanaya saaxiibada caalamka ayaa xalay howlgal qorshaysan ka fuliyay deegaanka Kuukaayle oo hoostaga degmada Maxaas ee Gobolka Hiiraan, kaas oo lagu beegsaday goobo ay gabbaad ka dhiganayeen xubno ka tirsan kooxda Al-Shabaab.
Howlgalka waxaa lagu dilay Toddobo xubnood, waxaana lagu burburiyay gaadiid dagaal iyo teendhooyin fariisin u ahaa kooxda Al-Shabaab sida ay sheegtay hay’adda Nabad-sugidda iyo Sirdoonka Qaranka ee NISA
Howlgalka oo dhacay seddax mar oo kala duwan oo isla xalay ah, ayaa kan koowaad lagu beegsaday teendho ay xubno Al-Shabaab ahi ku jireen, taas oo sababtay dhimashada seddax xubnood oo Kooxdaas ah, howlgalka labaad oo daqiiqado uun ka dambeeyay ayaa lagu soo afjaray nolosha afar dagaalame oo kale, iyada oo ugu dambeyna beegsiga seddaxaad lagu gubay gaadiid dagaal oo ay Kooxdu halkaas ku diyaariyeen si ay isugu abaabulayeen.




From the comments