Hay’adaha garsoorka dalka ayaa todobaad gudihiis markii labaad gacanta ku dhigey dad loo haysto inay ku howlanaayeen tahriibin sharci-darro ah iyo adeegsiga baasaboorro been-abuur ah.
Xafiiska Xeer Ilaaliyaha Guud ee Qaranka ayaa Maxkamadda Gobolka Ba-naadir horgeeyay eedaysane Maxamed Ibraahim Cali, oo lagu eedeeyay in uu ka tirsan yahay magafayaasha tahriibiya dhalinyarada Soomaaliyeed, una daabula dalka Biniin, halkaas oo madax-furasho loogu qabsado.
Eedaysanahan ayaa lala xiriiriyay shabakado isku xira Soomaaliya, Itoobiya, Niger, iyo Aljeeriya, kuwaas oo jirdil u geysta ciddii bixin waysaa madax furashada ay ka doonayaan.




From the comments