Milatariga Mareykanka ayaa sheegay in 31-kii bishan May lagu dilay duqeyn cusub oo ka dhacday deegaan ka tirsan maamulka Puntland 3 Xubnood oo ka tirsanaa ururka Daacish ka howlgalla meelo ka mid ah Soomaaliya.
War saxaafadeed kasoo baxay AFRICOM ayaa lagu sheegay in duqeyntan ay iska kaashadeen dowladda Federaalka Soomaaliya, waxaana duqeynta ay ka dhacday deegaan fog oo ku dhow deegaanka Dhardhaar oo qiyaastii 81-KM dhanka Koonfur Bari kaga beegan magaalada Boosaaso ee xarunta gobolka Bari.
Ciidanka ayaa sheegay in howlgalkaan uu ahaa mid u dhacay si qorsheysan, islamarkaana xubnaha la dilay lagu daba jiray dhowrkii sano ee lasoo dhaafay.




From the comments