Goobjoog

Albania oo xiriirka u jartay dalka Internet-ka ka weeraray

Dowladda Albania, ayaa gebi ahaanba xiriirkii diblomaansiyadeed u jartay Tehran kadib markii ay ku eedeysay in ay Iran ku lug laheyd weerar dhanka Internet-ka ah oo lagu qaaday kaabayaasha dhaqalaha…

Albania oo xiriirka u jartay dalka Internet-ka ka weeraray

Dowladda Albania, ayaa gebi ahaanba xiriirkii diblomaansiyadeed u jartay Tehran kadib markii ay ku eedeysay in ay Iran ku lug laheyd weerar dhanka Internet-ka ah oo lagu qaaday kaabayaasha dhaqalaha dalkaas.

Edi Rama ra’iisulwasaaraha Albania, ayaa ku dhawaaqay in dalkiisa muddo 24-saac ah ay isaga baxaan dhammaan shaqaalaha iyo diblomaansiyiinta reer Iran ee ku sugan gudaha Albania.

Website-ka rasmiga ah ee xafiiska ra’iisulwasaaraha ayaa lagu sheegay in Albania, ay heeyso cadeymo muujinaya in ay Iran ka dambeysay weerarro lagu qaaday July sanadkaan kaabayaasha Internet-ka ee Albania.

Ra’iisulwasaaraha ayaa sidoo kale sheegay in cadaymaha ay hayaan ay la wadaagayaan dalalka ku bahoobay gaashaanbuurta NATO oo ay xubin ka tahay Albania.

washington dc ayaa horay u cambaareysay  weerarka dhinaca internet-ka “Maraykanku waxa uu qaadi doonaa tallaabo dheeraad ah si uu Iran ugula xisaabtamo Iran,” ayuu yidhi afhayeenka amniga qaranka ee Aqalka Cad Adrienne Watson.

Goobjoog News

Goobjoog Newsletter

Ka hel Goobjoog wixii cusub.

Warar iyo falanqayn, iimaylkaaga.

From the comments