Wararka aan ka helayno magaalada Boosaaso ee xarunta gobalka Bari ayaa waxa ay ku waramayaan in mid ka mid ah nabaddoonada magaaladaasi weerar lagu dhaawacay, waxaana weerarkaasi ka soo baxaya warar kala duwan.
Nabaddoonka la dhawaacay ayaa lagu magacaabi jiray Cabdullaahi Cali Sugulle, waxa uuna ka mid ahaa nabaddoonada sida weyn looga garanayo gobalka Bari ee dowlad goboleedka Puntland.
Weerarka lagu dhaawacay nabaddoonka ayaa yimid ka dib markii kooxo hubeysan ay ilinka hore ee gurigiisa rasaas kula fureen nabaddoonka oo xilligaasi ka soo baxay salaaddii cishaha ee xalay.




From the comments