Dowladda Federaalka ee Soomaaliya iyo Maraykanka ayaa xaqiijiyey geerida sarkaal sare oo la sheegay inuu ka tirsanaa Xarakada Al-shabaab, kadib howlgallo ay sameeyeen ciidanka Kumaandooska Soomaaliya oo kaashanaya kuwa Maraykanka kaa oo ka dhacay gobolka Shabellaha Hoose habeenkii Khamiista ee lasoo dhaafay.
Abaanduulaha ciidanka xoogga dalka Soomaaliyeed Jeneraal Cali Baashi ayaa u xaqiijiyey Wakaaladda Wararka Soomaaliyeed ee SONNA, in ay howlgal ay fuliyeen Kumaandoosta Soomaaliya ku dileen Xasan Cali Dhoorre oo madax ka ahaa amniyaatka Xarakada Al-shabaab ayna la dhinteen dagaalyahanno kale oo Al-shabaab ah.
Hadal kasoo baxay wasaaradda difaaca Maraykanka ayaa lagu xaqiijiyey geerida sarkaalkan, waxaase la sheegay in ay wadaan baaritaanno kale oo ku aadan xaqiijinta dadka la geeriyooday sarkaalkaasi.




From the comments