Madaxweynihii hore ee maamulka Galmudug Cabdi Xasan Cawaale Qeybdiid ayaa ugu baaqay beellaha ku dagaallamay magaalooyinka Marka iyo Baladweyne in ay nabadda qaataan, islaamarkaana aanay mar kale daadin dhiigooda.
Qeybdiid oo la hadlay Goobjoog News ayaa fariin nabadeed hawada u mariyey dhinacyadaan, waxaana uu ku baaqay cid walba ay kaalin ka qaadato xasilinta dhinayacdaasi dagaallamay.
Mar uu ka hadlay dagaalka Baladweyne ayuu yiri “Reer Baladweyne waxaan si gaar ah u leeyahay meeshaasi waxaa kusoo laab laabtay dhibaato is dil ah, in muddo ah ayeey timid tani, waxaan ugu baaqayaa dhinacyada dagaallamay in nabadda ay qaataan, Baladweyne waa meeshii il baxnimada, aqoonta ahayd, madaxdii Soomaaliya ay in badan halkaasi ka yimaadeen, ninka Baladweyne kasoo jeeda waa meel uu ku faano, waxaa loo baahan yahay in nabadda aad qaadataan, joojisaan dagaallada”




From the comments