Maamulka Puntland ayaa si rasmi ah ugu dhawaaqay in xilligaan gurmad rasmi ah looga baahan yahay dhamaan deegaanada ku yaalla xeebaha Bari ee Puntland, halkaasi oo dhawaan dabaylo xooggan ay ku dhufteen.
Wasiir ku xigeenka Arrimaha gudaha ee maamulka Puntland Cabdullaahi Maxamed Xaashi oo la hadlay warbaahinta ayaa sheegay in hadda loo baahan yahay caawinaad degdeg ah oo lala gaaro dadkaasi.
Waxa uu sheegay in duufaanta Chapala ay saameyn weyn ku yeelatay deegaanno badan oo ku yaalla gobalka Bari, sidoo kalena ay xirmeen wadooyinkii dadka sahayda loo marin lahaa.




From the comments