Ciidamada Booliiska, Nabad Sugidda iyo kuwa Daraawiishta ee maamulka Koonfur Galbeed ayaa maanta waxa ay magaalada Baydhaba ee xarunta gobalka Baay ka sameeyeen howlgal ballaaran oo lagu baadi goobayay hubka sharci darada ah ee lagu haysto magaaladaasi.
Sandheere Maxamed Iftin oo ah taliye ku xigeenka ciidamada Daraawiishta maamulka Koonfur Galbeed ayaa u sheegay Goobjoog News, in howlgalkaan uu ahaa mid amniga wax looga qabanayay sidoo kalena lagu soo qabtay hub badan oo sharci darro ah.
Ciidamadaan ayaa isku gadaamay inta howlgalka uu socday xaafadda Isha oo ka mid ah xaafadaha Baydhaba, islamarkaana waxa uu tilmaamay ciidamada in hubkii ay soo qabteen lagu wareejiyay Taliska Booliiska gobalka Baay.




From the comments