Siyaasi Cabdiqaadir Abuukar Ibraahim oo ku sugan magaalada Baydhaba ee xarunta gobalka Bay ayaa ugu baaqay shacabka Soomaaliyeed meel walba oo ay joogaan in ay u gurmadaan Qaxootiga Soomaaliyeed ee ku dhiban dalalka Yemen iyo Kenya.
Ajuuke ayaa sheegay in bulshada Soomaaliyeed maanta looga baahan yahay in ay is gacan qabtaan, islamarkaana u istaagaan sidii ay qarashaad isugu dari lahaayeen, looguna gurman lahaa dadkaasi.
“Cid walba oo Soomaaliyeed waajib ayaa ka saaran in ay caawiso dadka Soomaaliyeed ee Yemen iyo Kenya ku sugan, waxaan caadeysanay in dad aan gacan u hoorsano maanta anaga aan isku filnaanno, nin walba oo waxa uu awoodo ha dhiibo” ayuu yiri Ajuuke.




From the comments