Goobjoog

Faah faahin: Ciidamada dowladda iyo kuwa Al-shabaab oo ku dagaalamay Gedo (Dhageyso)

Dagaal u dhaxeeyay ciidamada dowladda Soomaaliya iyo kuwa Xarakada Al-shabaab ayaa lagu soo waramayaa inuu ka dhacay deegaan u dhaxeeya deegaanka Buur-dhuubo iyo degmada Garbahaareey ee gobalka Gedo. Cali Bishaar…

Dagaal u dhaxeeyay ciidamada dowladda Soomaaliya iyo kuwa Xarakada Al-shabaab ayaa lagu soo waramayaa inuu ka dhacay deegaan u dhaxeeya deegaanka Buur-dhuubo iyo degmada Garbahaareey ee gobalka Gedo.

Cali Bishaar oo ka mid ah mas’uuliyiinta deegaanka Buurdhuubo ayaa u sheegay Goobjoog Fm, in weerarka dagaalkaasi ay iyagu lahaayeen, waxaana uu tilmaamay in waxyeelo ay soo gaarsiiyeen dagaalyahano ka tirsan Al-shabaab.

In weerarkaan ay qaadaan ciidamada dowladda ayuu sheegay ka dib markii ay ka war heleen Al-shabaab in dad ay ku dhibayaan deegaanka la weeray lagu soo war geliyay, halkaasna ay iyaga la wareegeen waa sida uu hadalka u dhigaye.

Hal askari ayuu ka dhawaajiyay in dhankooda uu ka dhaawacmay, Al-shabaabna ay ka dileen askar, laakiin tirada rasmiga ah ma aanu xaqiijin.

Dhanka Xarakada Al-shabaab wax war ah kama aanay soo saarin dagaalkaasi, hase yeeshee xaaladda deegaankii lagu dagaalamay hadda waa mid degan.

Halkaan hoose ka dhageyso.

Goobjoog News

Goobjoog Newsletter

Ka hel Goobjoog wixii cusub.

Warar iyo falanqayn, iimaylkaaga.

From the comments