Wakiilka gaarka ah ee xoghayaha guud ee qaramada midoobay u qaabilsan Soomaaliya Necholas Kay ayaa soo dhaweeyay dib u qabashada magaalada Baraawe oo ay ciidamada dowladda Federaalka Soomaaliya iyo kuwa AMISOM ay kala wareegeen xarakada Al-Shabaab oo muddo lix sano ah maamulaysay.
Kay ayaa qabashada Baraawe ku tilmaamay tallaabo loo qaaday dhinaca nabadda iyo deganaanshaha waddanka, isagoo ugu baaqay dagaalyahanada Al-Shabaab ee wali dagaalka wada in ay hubka dhigaan.
“Waxaan ku boorrinayaa Al-Shabaab-ka harsan in ay hubkooda dhigaan, waa waqtigii nabada iyo horumarka siyaasadeed ee Soomaaliya” ayuu yiri Kay.



From the comments